සියලුම හිමිකම් සම්බන්ධ ලියකියවිලි මාරග ගත ක්‍රමය මගින් ඉදිරිපත් කල යුතු අතර, කිසියම් හිමිකමක් සම්බන්ධ වැඩිදුර තොරතුරු විමසා බැලීමට අවශ්‍ය වේ නම්, එයට අදාළ මුල් පිටපත් කැදවීමේ අයිතිය ශ්‍රී ලංකා ඉන්ෂුරන්ස් කෝපරේෂන් ජෙනරල් ලිමිටඩ් සතු වේ.
හිමිකම් නිවැරදිව මාරග ගත ක්‍රමය ඔස්සේ සුරක්ෂා දෙපාරතමේන්තුව වෙත යොමුකල පසු ඒ බව තහවුරු කිරීමට කෙටි පණිවිඩයක් මගින් යොමු අංකයක් (Reference Number) අදාළ දුරකතන අංකයට ලැබෙනු ඇත.
හිමිකම් අයදුම්පත ඇතුලත්ව සියලුම හිමිකම් ලියකියවිලි වල මැද කොටසේ අදාළ තොරතුරු අපැහැදිලි නොවන සේ පාසලේ විදුහල්පති විසින්
- විදුහල්පති අත්සන
- නිලමුද්‍රාව
- අත්සන යෙදු දිනය
සහිතව සහතික කිරීම සිදු කල යුතුය.
හිමිකම් ඉල්ලීමේ කාල සීමාව -
සියලුම හිමිකම් අයදුම්පත් මාරග ගත ක්‍රමය හරහා ශ්‍රී ලංකා ඉන්ෂුරන්ස් කෝපරේෂන් ජෙනරල් ලිමිටඩ්හි සුරක්ෂා රක්ෂණ දෙපාරතමේන්තුව වෙත හිමිකමට අදාල සිද්ධිය සිදු වූ දින සිට දින 90ක් ඇතුලත ලැබිය යුතුය.
එසේම ඔප්පු කාල සිමාවන් අවසානයේ දී, සියලුම හිමිකම් සහ හිමිකම් වල අඩුපාඩු පවතින ලියකියවිලි නැවත බාරදීම් ඔප්පු කාල සීමාව අවසන් වූ දින සිට දින 90ක් ඇතුලත සුරක්ෂා රක්ෂණ අංශය වෙත ඉදිරිපත් කල යුතු වේ.